Arta Marku mesazh prokurorëve të Shkodrës: Mos u ndikoni nga ndërhyrjet, Vetingu është…

Prokurorja e Përgjithshme e Përkohshme, Arta Marku gjatë fjalës së mbajtur në analizën vjetore të Prokurorisë Shkodër ka deklaruar se, sulmet politike dhe procesi i vetingut ka vënë në vështirësi organin e akuzës. Marku u bëri thirrje prokurorëve që të mos ndikohen nga asnjë ndërhyrje si e jashtme ashtu edhe e brendshme.

Fjala e Arta Markut ne analizën e prokurorisë Shkodër:

Viti që shkoi nuk ka qenë jo i lehtë, pasi për shumë prej jush ka filluar procesi i vetingut. Shpesh herë jeni ndjerë të pasigurt dhe kjo ka ndikuar në punën tuaj dhe keni qenë të pamotivuar. Përveç kësaj, në qendër të çdo konflikti apo debati politik u është referuar ju.

Politika i ka dhënë vetes të drejtë që të gjykojë çdo çështje që mund të ketë prekur interesat e saj, pa patur dëshirë dhe vullnet për të pritur, për të lejuar prokurorët të bëjnë punën e tyre.  Duke marrë shkas nga përfolja që politika i ka bërë prokurorisë, të njëjtën gjë ka bërë edhe opinionin publik edhe media.

Terreni ku keni  ushtruar funksionin tuaj ka qenë i vështirë. Por pavarësisht kësaj ju ia keni dalë. Kërkoj prej jush që të jenë të përgjegjshëm në çdo vendimmarrje.  Pavarësi do të thotë përgjegjësi e shtuar, pavarësi nuk do të thotë kaos ku secili të interpretojë ligjin sipas ligjit apo interesit.

Pavarësi do të thotë ushtrimi i funksione të pavarur nga çdo ndërhyrje e brendshme apo e jashtme. Keni mundësinë që të pandikuar nga askush të jepni më të mirën në çdo vendimmarrje.  Do të kërkoja prej jush që të mos e shikoni procesin e vettingut si një ndëshkim, por si një mundësi për rikthimin e dinjiteti. Vazhdoni të punoni dhe keni gjithë mbështetjen time institucionale dhe personale. Po kështu keni mbështetjen e faktorit kombëtar dhe ndërkombëtar.