Kishte prerë biletën për tek e dashura/ Nxirren pa jetë nga rrënojat djali dhe babai i pronarit të ‘Vila Palma’

Tërmetet e fuqishëm që lëkundën vendin mëngjesin e sotëm kanë shkaktuar dëme të mëdha njerëzore por edhe materiale, duke krijuar kështu një situatë alarmante në vend.

Shumë godina janë shembur, e si pasojë 7 persona kanë humbur jetën e dhjetra të tjerë gjenden ende poshtë rrënojave.

Një nga godinat e shembura është edhe “Vila Palma”, në të kanë humbur jetën dy persona që ndodheshin brenda, babai dhe djali i pronarit. Nga ana tjetër, edhe nëna e pronarit ndodhej brenda, por ajo kërkoi ndihmë duke bërtitur dhe u shpëtua në kohë. Një qytetar tregoi se brenda në rrënoja ndodhet edhe një djalë tjetër, gjyshi i të cilit ndërroi jetë nga dhimbja kur mësoi se ai ndodhej në gërmadha.

Mësohet se pronarët e këtij hoteli janë shefja e Urbanistikës së Kavajës, Dëshira Qato, bashkëshorti i saj Arben Qato.

Mbrëmë ata nuk kishin fjetur në hotel, por në shtëpinë e tyre, ndërkaq mësohet se djali kishte prerë biletë për të shkuar pranë të dashurës së tij jashtë vendit, por fatkeqësisht humbi jetën.