Nxehet situata, studentët përplasen me policinë në Universitetin Politeknik

Gjatë protestës së sotme në Universitetin Politeknik të Tiranës, është shënuar një incident mes studentëve dhe policisë. Rojet private kanë thirrur policinë duke mos lejuar studentët që të hyjnë në godinën e universitetit.

Situata është tensionuar për shkak se studentët në mënyrë simbolike kishin vendosur që të nxirrnin jashtë në formë proteste disa karrige, po nuk janë lejuar nga ana e rojeve.

‘’Të gjithë studentët e dinë se kush janë pedagogët dhe rektorët e shitur. Nuk kemi ardhur këtu të bëjmë asnjë lloj inskenimi, inskenimi po bëhet nga ana e policisë së shtetit. Hetoni kompanitë që fshihen pas rojeve private në Universitete”, shprehet një prej studentëve.

Disa studentë kanë vendosur që të vijojnë mësimin, pasi janë kërcënuar se do të merrnin mungesa. Një prej vajzave që kanë vendosur të qëndrojnë edhe sot në protestë, shprehet se mësimi nuk mund të zhvillohet sa kohë që nuk janë të pranishëm 50 % e studentëve.

Per te pare videon klikoni KETU