U kap me 1 milion paund ko.kai.në, i riu nga Shkodra dënohet me 12 vite

Një i ri nga Shkodra është dënuar nga gjykata në Britaninë e madhe pasi ishte kapur më parë me 9.5 kg ko.kainë. I riu është Suad Sufaj i cili u arrestua më 26 shtator të vitit të kaluar, pasi nga kontrolli në makinë iu gjet një sasi prej 1 kg ko.kainë, që në treg do të kapte një vlerë prej 100 mijë paund. Dr.oga ishte brenda makinës dhe nuk ishte fshehur. Pas kësaj, Policia shkoi në banesën e shkodranit, ku gjithashtu gjeti një sasi prej 8.5 kg kokainë, që përllogaritet se do të kapte një vlerë prej gati 800 mijë paund në treg.

Sufaj u shpall fajtor për trafikim kokaine dhe u dënua nga Gjykata Kingston me 12 vite heqje lirie. Hetuesit thanë para gjykatës se bëhej fjalë për një drogë të klasit të parë, sepse kishte një përqindje të lartë të pastërtisë. Policia Metropolitane deklaroi se bashkëpunimi me Agjencinë Kombëtare të Krimit kishte skuestruar kokainë, që në tregun e Britanisë së Madhe do të kapte një vlerë prej 1 milion paund, para të cilat do të fuqizonin akoma edhe më shumë krimin e organizuar.

Në përfundim të dënimit, i riu nga Shkodra, që është emigrant ilegal në Britaninë e Madhe, do të dëbohet për në Shqipëri. Mafia shqiptare raportohet se është kthyer në një shqetësim për Policinë britanike, pasi dominon një pjesë të mirë të shitjes së kokainës dhe kanabisit. Sipas mediave lokale, grupet shqiptare, për shkak të lidhjeve të forta që kanë me trafikantët nga vendet e Amerikës Latine, kanë ulur çmimin e kokainës dhe kanë rritur cilësinë e saj, duke bërë që të rrisin dominimin e tyre në këtë treg.