Shqiptari humbi këmbën gjatë luftës, shokohet kur sheh foton e tij në paketën e cigareve. Djali i tij e kishte blerë në…

Nuk është hera e parë që kompanitë e duhanit përdorin imazhet e njerëzve në jetë apo edhe të pajetë, për të bërë marketingun e tyre.

Por këtë herë protagonist është bërë një shtetas shqiptar.

Është një burrë 60 vjeç i cili jeton në lindje të Francës e ka mbetur i habitur kur ka zbuluar se fotografia e këmbës së tij të plagosur është përdorur në pako cigaresh pa miratimin e tij.

Fotografia është nxjerrë në paketat e cigareve brenda Bashkimit Evropian, së bashku me mesazhin: “Pirja e duhanit i bllokon arteriet”.

Por, burri shqiptar, i cili jeton në Metz, tha se ka humbur këmbën e tij si pasojë e një sulmi në Shqipëri në vitin 1997.

Fotografia është zbuluar nga djali i tij, kur ai ka blerë një pako cigaresh vitin e kaluar në Luksemburg, raportojnë mediat franceze.

Ai e ka sjellë pakon në shtëpi te familja dhe babai i tij ka konfirmuar se fotografia është pamje e këmbës së tij.

“Është e pabesueshme që një person e gjen veten, pa pajtimin e tij, në paketimet e cigareve në të gjithë Bashkimin Evropian”, tha avokati i tij, Antoine Fittante.